သင့္တင့္ ေလ်ာက္ပတ္ေသာ အရပ္၌ေနျခင္း..။

သင့္တင့္ေလ်ာက္ပတ္ေသာအရပ္၌ ေနရျခင္းသည္ မဂၤလာတပါးျဖစ္သည္။
တခါေသာ္ ဘီလံုးငွက္ တေကာင္သည္ မိမိေနထိုင္က်က္စားရာ လယ္ကြင္းျပင္မွလြန္၍ အျခားအရပ္သို႔ သြားေရာက္ က်က္စားသည္။ ထိုစဥ္ သိမ္းငွက္တေကာင္သည္ ဘီလံုးငွက္ကို ေတြ႔ျမင္ကာ ထိုးသုတ္သြားေလသည္။

ဘီလံုးငွက္သည္ သိမ္းငွက္လက္တြင္ ပါသြားစဥ္ ငါ့အရပ္မဟုတ္၍ သိမ္းငွက္၏ ထိုးသုတ္ျခင္းကို ခံရသည္။ ငါ့အရပ္ျဖစ္ပါမူ သိမ္းငွက္သည္ ထိုးသုတ္ႏိုင္မည္မဟုတ္-ဟူ၍ ျမည္တမ္း ငိုေၾကြးသည္။

ထိုအခါ သိမ္းငွက္က မခံခ်င္။ မိမိသည္ အရြယ္ ၁-ေတာင္ေက်ာ္ရွိသည္။ ဘီလံုးငွက္ကား လက္တ၀ါးခန္႔သာ ရွိသည္။ မိမိကဲ့သို႔ ခြန္အားႀကီးေသာသူကို မႏိုင္ႏိုင္ဟု ခံယူထားသည္။ ထို႔ေၾကာင့္ ဟယ္-ဘီလံုးငွက္၊ သင္၏အရပ္ကား အဘယ္နည္း-ဟူ၍ ေမးျမန္းသည္။ 

ဘီလံုးငွက္ကလည္း ငါ၏အရပ္ကား ထြန္စာခဲရွိရာ လယ္ကြင္းျပင္တည္း-ဟူ၍ အားမာန္အျပည့္ျဖင့္ ျပန္ေျပာသည္။

သိမ္းငွက္က သင္၏အရပ္၌ ရွိေသာ္လည္း ငါကဲ့သို႔ေသာ ႀကီးမား၍ ခြန္အားရွိသူကို သင္ အန္တုႏိုင္မည္ေလာ။ ငါ့လက္က သင္လြတ္ႏိုင္မည္ေလာ-ဟု ဆို၏။

ဘီလံုးငွက္ကလည္း အန္တုႏိုင္ပါသည္။ လြတ္ႏိုင္ပါသည္-ဟု ရဲရင့္စြာ ေျပာၾကားသည္။
ေကာင္းျပီ။ ဤသို႔ဆိုလွ်င္ သင့္ကို ယခု ငါလႊတ္လိုက္မည္။ သင့္အရပ္သို႔ သြား၍ ငါ့ကို ခုခံေလာ့။ သိမ္းငွက္က ဤသို႔ဆိုကာ ဘီလံုးငွက္ကို လႊတ္လို္က္သည္။ 

ဘီလံုးငွက္လည္း မိမိ က်က္စားရာ လယ္ကြင္းျပင္သို႔ ၀မ္းေျမာက္၀မ္းသာ ျပန္သြားသည္။ ေရာက္ေသာ္ ေျမစိုင္ခဲႀကီး တခုေပၚ၌ ရပ္လိုက္သည္။ အို-သိမ္းငွက္ႀကီး၊ အသင္စြမ္းလွ်င္ လာေလာ့။

သိမ္းငွက္လည္း ဟယ္-ဘီလံုးငွက္ ငါ့လက္မွ သင္လြတ္ႏိုင္မည္ေလာ-ဟူ၍ ႀကံဳး၀ါးကာ လ်င္ျမန္စြာ ပ်ံသန္းလာသည္။ အနီးသို႔ ေရာက္သည္ႏွင့္ တျပိဳင္နက္ အရွိန္ျပင္းစြာျဖင့္ ပ်ံဆင္း၍ ဘီလံုးငွက္ကို ထိုးသုတ္လိုက္သည္။ 

ဤတြင္ ဘီလံုးငွက္လည္း ေျမစိုင္ခဲေပၚမွ ရုတ္တရက္ဆင္း၍ ေျမစိုင္ခဲေအာက္အၾကားသို႔ ၀င္ေနလိုက္ေလသည္။ ထိုအခါ သိမ္းငွက္သည္ ဘီလံုးငွက္ကို မသုတ္မိ၊ အရွိန္လည္း မသတ္ႏိုင္၊ ေျမစိုင္ခဲကို ရင္ျဖင့္ တိုက္မိသြားသည္။ တခဏအတြင္းပင္ ရင္ကြဲ၍ ေသဆံုးသြားေလသည္။

ဘီလံုးငွက္သည္ ေျမစိုင္ခဲအၾကားမွ ထြက္လာျပီးလွ်င္ သိမ္ငွက္ေသ၏ ကိုယ္ေပၚ၌ နားလ်က္-ငါသည္ သင့္တင့္ ေလ်ာက္ပတ္ေသာအရပ္ကို အမွီျပဳေသာေၾကာင့္ အင္အားႀကီးသူကိုပင္ အႏိုင္ရေလသည္-ဟူ၍ ဆိုေလသတည္း။
အကိုး။ ငါးရာ့ငါးဆယ္ သကုဏဂၣိဇာတ္။

( မင္းယုေ၀ )
Posted by: mingala

 ပိုမိုဆန္းသစ္ ၿပီးျပည့္စံု တဲ့ သတင္းမ်ားႏွင့္ အေၾကာင္းအရာမ်ားကို
ေန႕စဥ္အခမဲ့ ဖတ္ရႈလိုက္ပါ။
Download for blow link
www.todaybago.com/todaybago.apk

------------------------------------------------------

Unicode

 သင့်တင့်လျောက်ပတ်သောအရပ်၌ နေခြင်း
သင့်တင့်လျောက်ပတ်သောအရပ်၌ နေရခြင်းသည် မင်္ဂလာတပါးဖြစ်သည်။
တခါသော် ဘီလုံးငှက် တကောင်သည် မိမိနေထိုင်ကျက်စားရာ လယ်ကွင်းပြင်မှလွန်၍ အခြားအရပ်သို့ သွားရောက် ကျက်စားသည်။ ထိုစဉ် သိမ်းငှက်တကောင်သည် ဘီလုံးငှက်ကို တွေ့မြင်ကာ ထိုးသုတ်သွားလေသည်။

ဘီလုံးငှက်သည် သိမ်းငှက်လက်တွင် ပါသွားစဉ် ငါ့အရပ်မဟုတ်၍ သိမ်းငှက်၏ ထိုးသုတ်ခြင်းကို ခံရသည်။ ငါ့အရပ်ဖြစ်ပါမူ သိမ်းငှက်သည် ထိုးသုတ်နိုင်မည်မဟုတ်-ဟူ၍ မြည်တမ်း ငိုကြွေးသည်။

ထိုအခါ သိမ်းငှက်က မခံချင်။ မိမိသည် အရွယ် ၁-တောင်ကျော်ရှိသည်။ ဘီလုံးငှက်ကား လက်တဝါးခန့်သာ ရှိသည်။ မိမိကဲ့သို့ ခွန်အားကြီးသောသူကို မနိုင်နိုင်ဟု ခံယူထားသည်။ ထို့ကြောင့် ဟယ်-ဘီလုံးငှက်၊ သင်၏အရပ်ကား အဘယ်နည်း-ဟူ၍ မေးမြန်းသည်။ ဘီလုံးငှက်ကလည်း ငါ၏အရပ်ကား ထွန်စာခဲရှိရာ လယ်ကွင်းပြင်တည်း-ဟူ၍ အားမာန်အပြည့်ဖြင့် ပြန်ပြောသည်။

သိမ်းငှက်က သင်၏အရပ်၌ ရှိသော်လည်း ငါကဲ့သို့သော ကြီးမား၍ ခွန်အားရှိသူကို သင် အန်တုနိုင်မည်လော။ ငါ့လက်က သင်လွတ်နိုင်မည်လော-ဟု ဆို၏။
ဘီလုံးငှက်ကလည်း အန်တုနိုင်ပါသည်။ လွတ်နိုင်ပါသည်-ဟု ရဲရင့်စွာ ပြောကြားသည်။
ကောင်းပြီ။ ဤသို့ဆိုလျှင် သင့်ကို ယခု ငါလွှတ်လိုက်မည်။ သင့်အရပ်သို့ သွား၍ ငါ့ကို ခုခံလော့။ သိမ်းငှက်က ဤသို့ဆိုကာ ဘီလုံးငှက်ကို လွှတ်လို်က်သည်။ ဘီလုံးငှက်လည်း မိမိ ကျက်စားရာ လယ်ကွင်းပြင်သို့ ၀မ်းမြောက်ဝမ်းသာ ပြန်သွားသည်။ ရောက်သော် မြေစိုင်ခဲကြီး တခုပေါ်၌ ရပ်လိုက်သည်။ အို-သိမ်းငှက်ကြီး၊ အသင်စွမ်းလျှင် လာလော့။
သိမ်းငှက်လည်း ဟယ်-ဘီလုံးငှက် ငါ့လက်မှ သင်လွတ်နိုင်မည်လော-ဟူ၍ ကြုံးဝါးကာ လျင်မြန်စွာ ပျံသန်းလာသည်။ အနီးသို့ ရောက်သည်နှင့် တပြိုင်နက် အရှိန်ပြင်းစွာဖြင့် ပျံဆင်း၍ ဘီလုံးငှက်ကို ထိုးသုတ်လိုက်သည်။ ဤတွင် ဘီလုံးငှက်လည်း မြေစိုင်ခဲပေါ်မှ ရုတ်တရက်ဆင်း၍ မြေစိုင်ခဲအောက်အကြားသို့ ၀င်နေလိုက်လေသည်။ ထိုအခါ သိမ်းငှက်သည် ဘီလုံးငှက်ကို မသုတ်မိ၊ အရှိန်လည်း မသတ်နိုင်၊ မြေစိုင်ခဲကို ရင်ဖြင့် တိုက်မိသွားသည်။ တခဏအတွင်းပင် ရင်ကွဲ၍ သေဆုံးသွားလေသည်။

ဘီလုံးငှက်သည် မြေစိုင်ခဲအကြားမှ ထွက်လာပြီးလျှင် သိမ်ငှက်သေ၏ ကိုယ်ပေါ်၌ နားလျက်-ငါသည် သင့်တင့် လျောက်ပတ်သောအရပ်ကို အမှီပြုသောကြောင့် အင်အားကြီးသူကိုပင် အနိုင်ရလေသည်-ဟူ၍ ဆိုလေသတည်း။
အကိုး။ ငါးရာ့ငါးဆယ် သကုဏဂ္ဃိဇာတ်။

( မင်းယုဝေ )
Posted by: mingala