၁-- အယင်က သမိုင်းကို သိနီကတ်ဗျာန် ။ ယေကေ ယင်းဘ၀က လွပ်မြောက်ဖို့  နည်းလမ်းကို ရှာကတ်ဖို့ 
လိုလာရေ ။
ယင်းချင့်မှာ လက်နက်ကိုင်တော်လှန်ရီးနည်း နင့် နိုင်ငံရီးလမ်းဆိုစော် -၂-နည်းဟိရေ စော်ကို တွိရရေ ။
လက်နက်ကိုင်တော်လှန်ရီးနည်းဆိုစော်က ရန်သူကို အပြုတ်တိုက်နိုင်ရေ လက်နက်အင်အား ဟိမှ ဖြစ်ဖို့ စော်လား-မဟုတ်ကေ ပြောက်ကြားစစ်နင့် တိုကလို့  ဖြိုက်ဖို့ စော်လား ဆိုစော် ဟိပြန်သီးရေ ။
ပထမအချက်အဖြိုက်တေ ရန်သူကို အပြုတ်တိုက်ဖို့  လက်နက်အင်အားဆိုစော် ဟိဖို့ ဆိုစော်ကလဲ စိုင်းစားရခက်တေပိုင် လူတိ အသီအပျောက် များကတ်ဖို့ စော်တိလဲ ဖြိုက်တေ ။ ယေကေလဲသွင့် ဒေလက်နက်ကိုင်တော်လှန်ရီးကိုလဲ လုပ်ရဖို့  ဖြိုက်တေ ။
ဒုတိယအချက်က နိုင်ငံရီးနည်းလမ်းဖြိုက်တေ ။ နိုင်ငံရီးနည်းလမ်းဆိုစော်က အပီးအယူ နင့် လုပ်တေ လမ်းမဟုတ် ။
ဖက်ဒရယ်စနစ်ကို ထူထောင်ဖို့ အတွက် ငြိမ်းချမ်းရီးလက်မှတ်ထိုးပနာ လုပ်စော် နည်းလမ်း ပြောစော် မဟုတ် ။ ဖက်ဒရယ်စနစ်ဆိုစော် ပြည်ထောင်စု တခုအတွင်းမှာ လုပ်ထားခြင်းခံရရေ ပြည်နယ်တိကို စုပေါင်းထားစော် ဖြိုက်တေ ။
ရခိုင်လူမျိုးတိကို ယင်းပိုင် ဖက်ဒရယ်ပြည်ထောင်စုထဲမှာ ပါဖို့ မလိုစော် ဖြိုက်တေ-ဇါဖြိုက်လို့ ဆိုကေ ရခိုင်နိုင်ငံတော်က သီးခြား ဖြိုက်လို့ ရာ ဖြိုက်တေ ။
ရခိုင်နိုင်ငံတော်က အခုအချိန်မှာ ကိုလိုနီဖြိုက်နီစော် ။ ယေကေ ကိုလိုနီဖြိုက်နီစော်ကို နိုင်ငံရီးအရ လွပ်လပ်ရီးပီးရေ အဖွဲ့ အစည်း ဆိုစော် ဟိရေ ။
ဒုတိယကမ္ဘာစစ်ဖြိုက်ပြီးစော်နင့် အင်္ဂလိပ်တိက ကိုလိုနီလုပ်ထားစော် နိုင်ငံတိကို လူ့ အခွင့်အရီး ကြေညာစာတမ်းပါ အချက်အရ လွပ်လပ်ရီးပီးရရေ ။
လွပ်လပ်ရီးပီးရေ အဖွဲ့ နာမည်ကို -( Trusteeship Council )- လို့ ခေါ်ရေ ။ ယင်းကောင်စီက အမေရိကပြည်ထောင်စု နယူးယောက်မြို့  ကုလသမဂ္ဂရုံးမှ ဟိရေ ။
ကုလသမဂလက်အောက်ခံ အဖွဲ့ အစည်းဖြိုက်တေ ။
ယင်းလွပ်လပ်ရီးပီးရေကောင်စီမှာ ရခိုင်နိုင်ငံတော်အတွက် လွပ်လပ်ရီးတောင်းဆိုဖို့  လိုအပ်လာဗျန် ။
ယေကေ ဇါပိုင် တောင်းဆိုကတ်ဖို့ လဲ ။ ဇါပိုင်စော်တိလိုအပ်လေ ယေကေ ။
-------------- --------------- ------------- ----------------
နည်းလမ်းတိ
ရခိုင်သားတိမှာ လက်နက်ကိုင်တော်လှန်ရီးတိ ခေတ်အဆက်ဆက် ပေါ်ခကတ်တေ ။
ယေကေလဲ စစ်တပ်ဟိခပြီးကေ ပါတီ မဟိခစော် တိ ဟိခရေ ။ ပါတီဟိခကေလဲ အစိုးရ မဟိစော်တိ ဟိခရေ ။
ယေကေလဲသင့် ဇါပိုင် လွပ်လပ်ရီးတောင်းခရဖို့ လဲ ဆိုစော်ကို မစိုင်းစားခကတ်- မသိခကတ်-နားမလည်ခကတ် ။
ယေဇူးနင့် ဒေပိုင်နည်းလမ်းကို ရခိုင်သားတိုင်း သိအောင် ရှင်းပြပီးလိုက်စော် ဖြိုက်တေ ။
ရခိုင်လက်နက်ကိုင် အဖွဲ့ အစည်းမှာ စစ်တပ်ကို ထိမ်းချုပ်ကွပ်ကွဲရေ ပါတီဟိရရေ ။
ယင်းပါတီက ရခိုင်ပြည်အစိုးရကို ဖွဲ့ စည်းရရေ ။ ရခိုင်ပြည်အစိုးရဖွဲ့ စည်းပြီးစော်နင့် ကမ္ဘာ့ကုသမဂ လက်အောင်ခံ ဖြစ်တေ ကိုလိုနီဖျက်သိမ်းရေးကောင်စီ -( Treustee ship Council )- မှာ လွပ်လပ်ရီးတောင်းဆိုစော် စာတမ်းကို တင်ပြဖို့ လိုရေ ။
ယင်းလွပ်လပ်ရီးတောင်းဆိုရေ စာတမ်းကို ကြားနာစစ်ဆီး ဖတ်ရရေ ။ ယေကေ ရခိုင်နိုင်ငံတော်သမိုင်းနင့် ရခိုင်ပြည်အစိုးရအကြောင်းကို ကိုလိုနီဖျက်သိမ်းရီးကောင်စီက လိလာဖတ်ကြား စစ်ဆီးရစော်ဖြိုက်တေ ။
လွပ်လပ်ရီးကို ကမ္ဘာ့ကုလသမဂမှာ မတောင်းဆိုသမျှ ရခိုင်လက်နက်ကိုင် တော်လှန်ရီးအဖွဲ့ ဆိုစော် ဖက်ဒရယ်ပြည်ထောင်စု ဖြိုက်ပေါ်ဖို့ အတွက် တိုက်နီရေ တိုင်းရင်းသားလူမျိုး-၁၃၅-မျိုးထဲက တမျိုးလို့ ရာ ထင်ထားကတ်စော် ဖြိုက်တေ ။
ရခိုင်လူမျိုးဆိုစော် တိုင်းရင်းသားလူမျိုး မဟုတ်တေပိုင် ရခိုင်နိုင်ငံဆိုစော် ပြည်နယ်ချေ တခုမဟုတ် ။ မင်းခရီဘုရင်က ရိုးမတောင်၏ အနောက်ဖက်ဆိုစော် ရခိုင်နိုင်ငံတော်လို့  ကြွေးကြော်ကြေညာခရေ နိုင်ငံဖြိုက်တေ ။
ယေဇူးနင့် ကမ္ဘာ့ကုလသမဂမှာ ရခိုင်နိုင်ငံ လွပ်လပ်ရီးအတွက် တောင်းဆိုဖို့  အယင်ဆုံးလိုအပ်လာနီဗျန် အကြောင်း တင်ပြလိုက်တေ- လွပ်လပ်ရီးလိုချင်သူက လွပ်လပ်ရီးစကား ပြောဖို့ ရာ- လွပ်လပ်ရီးလိုချင်ကေ လိုချင်ကြောင်း လုပ်တတ်ရဖို့ ရာ ။
ယေကေ ရခိုင်ပြည်အစိုးရဖွဲ့ စည်းပနာ ကမ္ဘာကို ကြေညာဖို့  အတွက် လွပ်လပ်ရီးတောင်းဆိုရေအတွက် ကြားနာစစ်ဆီးဖို့  တောင်းဆိုရဖို့ ဗျန် မနားချင့် --ဒေချင့်က ရခိုင်ပြည်လွပ်လပ်ရီးအတွက် နိုင်ငံရီးနည်းလမ်း ဖြိုက်စော်ကို ပြောပြစော်ပါဒေ ။
ကျော်ခဏ်းနွယ်
No comments:
Post a Comment