အဘာသားရို့ ကျေးဇူးဆပ်မှန်ဖို့......,။

အာရက္ခဒေ့ခ်ျ အာရ်ဂျရေ
အဖရခိုင်ပြည် အာကာပျံဝဲ
ဝါသုဒေ၀ ဗလဒေ၀
စည်တော်ကြီးနန့် ကျင်သန်ကြီး
ဘီလူးနန့်စစ်ပြိုင်နိုင်
မာရယု ကနဦးစိုင်လာပြု
ကံရာဇာ မြို့ဆက်ရှာ
ဗုဒ္ဓဗျာဒိတ်ရ၊ တရားရ၊ ကိုယ်စားရ၊ ရင်ငွေ့ရ
စန္ဒသူရိယ အစပျိုးထွင်
သူရိယစက္က မဟာတိုင်းစန္ဒြ
သိမ်ကျောင်းဇရပ် ရီတွင်းရီကန် စင်္ကြံထပ်ပွားလှူ
လက်ညှိုးထိုးမလွတ်
အဖရို့ပဝေသဏီအဆက်က 
နီ လ အာကာဝဠာထက်မှာ
သိပ္ပ၀ိဇ္ဇာကမ်းခတ် ရွီမှတ်တွိသိလို့
ပြက္ခဒိန်တိဖြိုဖျက် ပြဌာန်းခရေ။

ရဇတနန့်သိန္ဂနီ
လ နီ တံဆိပ် ခတ်နှိတ်ဒင်္ဂါးတိ
ရတနာမိုး တဖြိုးဖြိုး
ဝပြောသာစည် အဖရို့ပြည်လျှင်
နတ်ပြည်ကို ပျက်ရယ်ပြုခရေ။

အဖရို့တိုင်းပြည်
အပေါင်း၊ အမြှောက်
အားစိုက်ထုတ်စွာ
ဧရာမဆည်တော်ကြီးတိ
သျှင်ပင်ဆွမ်းတော်တင် စီတန်းလားဖို့
ရွှေဇင်္ခါ၊ ငွေဇင်္ခါ လမ်းဖောက်ခစွာ
အဖရို့၊ အမိရို့ လက်ဗွီရာ
ပက်ခုံးရာတိ ကပ်ကျန်နိန်တုန်းသိ
တဘက်သမီးကညာနန့် ပဏ္ဍာလက်ဆောင်တိစွာ
စငုတ်ကျ။

သားသမီးရို့စွာ အဖပြည်သား
အန္တရာယ်ရန်စွယ်ဆို
ခြင်ချေ မှက်ချေ မသန်းစီဖို့
ဧရာမတံတိုင်းကြီး၊ ခံတပ်ကြီး၊ အမြောက်ကြီး
သူရဲစို့၊ သူရဲလှောက်၊ အကာကြီး၊ အကာငယ်
ကျီတော်ကြီးတိ ရိက္ခာတိုက်ပြည့်
လိုလေသည်မဟိ ကျုံးတိုင်းမှာ ဖျိုးလို့
အနာဂတ်သားသမီးရို့အတွက်
မြောက်မှာတောင်ညို ကိန်းကိုထိခံ အာသံချင်းတွင်း
မော်တင်ရီလှုပ် ခူးပြီးသားထမင်း
လွှဲမှားဝါဒလမ်းဖယ် င/သံထွေ မှောက်မှား
အတ္တဂေါင်းပေါင်း အလိုဇောကြောင့်
အဖပြည်ကြီး အနိဌာရုံခရီးမှာ ကဇကရဲနန့်
ကံဇာတာ ဂုဏ်ရှိန် ညှိုးမှိန် ကျဆင်း ဆိတ်သုဉ်းခဗျာ
အရိုးတောင်ပုံထပ်ခစွာတိ
အဖရို့အရိုး၊ အမိရို့အရိုးတိဗျာယ်။

ဒေမြီစွာ ငါရို့အဖ ဖိုးဖီးဇူဇာ စတေးကြွီခရရေမြီ 
လူကိုမြီကို အမျိုမခံစီဖို့
အဖရခိုင်ပြည် မညှိုးဂုဏ်သရေတင့်စီဖို့
တစ်သံ တစ်စိတ် ဇာတိဟိတ်နန့်
သားရို့ သမီးရို့တွန်ဖို့အတွက်
အားကောင်းမောင်းသန်တုန်း 
ဓါးလည်းထက်တုန်း နီလည်းထွက်တုန်းမှာ
ခေတ်သစ် င/သံထွေတမှောင့်
လျှပ်တပြက်လူပြိန်းအကြိုက်နန့် ဘန်းပြမျှားခေါ်ရာမှာ
နားမယောင်၊ မလိုလား၊ လိုက်မပါစီဖို့
မျက်စိဖွင့် နားစွင့်လို့ ကြောက်စိတ်ကင်းဗျာ
အဖရို့ခင်းခစွာလမ်းကြောင်းမှန်မှာ
သားသမီးရို့ ဘေးကိုမချော်စီဖို့ရာယေ။

အဂ္ဂ