ကိုယ်အဆင်ပြေနေပေမယ့်
သူများအဆင်မပြေတာတွေကိုကြည့်ပြီး
ကိုယ်ပြေနေတာတွေကို မပြောဖြစ်ဘဲ
မျိုသိပ်ထားလာတတ်တယ်။
ကိုယ်အဆင်မပြေတဲ့အခါ
သူများပြေနေတာတွေကိုကြည့်ပြီး ကိုယ့်ကြောင့်
သူတို့စိတ်အနှောက်အယှက် မဖြစ်ပါစေနဲ့ဆိုပြီး
ကိုယ့်ဒုက္ခကို မပြောဖြစ်ဘဲ သိုသိပ်ထားတတ်
လာတယ်။ ကျိတ်ခံစားတယ်ဆိုတာထက်
ခံနိုင်ရည် ရှိလာတဲ့ သဘောပါပဲ။
တကယ်တော့ တည်ငြိမ်ရင့်ကျက်သူတွေရဲ့ စိတ်နေသဘောထားဆိုတာ…
ကိုယ့်အတွက်နဲ့
သူတစ်ပါးအခက် မဖြစ်စေချင်တာ
ကိုယ့်အခက်ကြောင့် သူတစ်ပါး
အနှောက်အယှက် မဖြစ်စေချင်တာ
ဒါမျိုးလေးတွေကအစ သူတစ်ပါးအတွက် ငဲ့ကွက်တတ်တဲ့သဘောလေးတွေရှိနေတာမျိုးပါ။
လူဟာ ငဲ့ကွက်တတ်တဲ့စိတ်နဲ့ ထည့်တွက်တတ်တဲ့စိတ် ကိုယ်ချင်းစာတတ်တဲ့စိတ်နဲ့ ယိုယွင်းဖာတတ်တဲ့စိတ်လေးတွေ ရှိနေရင်ကိုပဲ အတော်လေးသူတော်ကောင်းဆန်နေပါပြီ။
အတ္တကြီးတဲ့စိတ်ဟာ ပူလောင်မှုကိုလည်း ကြီးစေတတ်တာတော့ အသေအချာပါပဲ။
ဒါကြောင့်…
ကိုယ့်အတွက်နဲ့ ဘယ်သူ့ဘယ်သူကိုမှ
ဝန်ထုပ်ဝန်ပိုး မဖြစ်စေနဲ့။
အသစ်အတွက်လည်း အသိမချော်နဲ့။ အချစ်အတွက်လည်း သတိမချော်နဲ့။
အရှိအပေါ်မှာပဲ အသိ သတိ ထပ်တူ
ညှိနိုင်အောင် ကြိုးစားကြဖို့ပဲ ဖြစ်ပါတယ်။
ဆရာတော်
မနာပဒါယီ အရှင်ဝိစိတ္တ
ကိုယ့်ကိုယ်ကို ဆုံးမခြင်း(၁၄၂)
No comments:
Post a Comment