သွီးမျက်ရည်နန့် ဂစ္စပငိုသံ....

ငါ့ မျက်ရည် တစ်စ
သွီးတစ်စ အဖြစ်နန့်
ု့မြစ်ဂစ္စပ ရီပြင်ထက်မှာ
ရီဆန်တတ်နိန်ရေ ............

ထမြောက်ခြင်းရို့
အနာဂတ်ဆိုစွာ
အိမ်မက်တောင်
မက်ခွင့်မဟိဂါ ..........


လက်ယာ ကိုးဆယ်ကိုး
လက်ဝဲ ကိုးဆယ်ကိုး
အဖထက် သားကသာ
မျိုးရိုးမဟာ...ဒေကမ္ဘာမှာ
ရွှက်ကျပင်ပေါက်ရို့ပိုင်
တွိရာမှာ တွယ်ကပ်နိန်ကတ်တေ......


ဟြက်ဖို့ကောင်းလိုက်တေ
ခေတ်သစ် သမိုင်းတစ်ခု
ထိုမှာ တစ်စု ဒေမှာ တစ်စုနန့်
ရာစုနှစ်တိ ဆားမရ ရီမရ
ခြစားလားစွာ ကြာယာဒေ.....


ဇာမှာလေ.......
ပီးဆပ်ခြင်းရို့

ဇာမှာလေ.....
လွတ်လပ်ခြင်းရို့

ဇာမှာလေ......
ငြိမ်းချမ်းခြင်းရို့
့

မြစ်ဂစ္စပ ငိုသံတိကို
မကြားဟန်
မမြင်ဟန်
ဆောင်နိန်ကတ်တေ ဟန်..........

အေးမောင်(ရင်အုံတော်ဓာတ်)