အဖေါ်မဲ့ အထီးကျန်.....။

အကျင့်သီလ ဘယ်လောက်ကောင်းကောင်း၊ စိတ်ထား ဘယ်လောက်ကောင်းကောင်း ဆင်းရဲတယ်ဆိုရင် အထင်သေးတယ်။ 

အကျင့်သီလ ဘယ်လောက်ညံ့ညံ့ ချမ်းသာတယ်၊ ရာထူးရှိတယ်ဆိုရင် အထင်ကြီးတယ်။ အဲဒီလို သဘောထားတွေ ဖြစ်လာတယ်။ 

လူ့ဂုဏ်သိက္ခာ လူ့တန်ဖိုးဟာ ကျသွားတယ်။အဲဒီလို လူ့တန်ဖိုးနဲ့ လူ့ဂုဏ်သိက္ခာကို တန်ဖိုးမထားတဲ့ လူ့အသိုင်းအဝိုင်းမှာ လူတွေဟာ စိတ်အေးအေးချမ်းချမ်း မနေနိုင်ဘူး။ 

ဟန်လုပ်ပြီး ဆက်ဆံနေရတဲ့ လူ့အသိုင်းအဝိုင်းမှာ အဖေါ်ဆိုတာလည်း ဘယ်မှာ ရှိနိုင်တော့မလဲ။သူတပါးကို ရင်းရင်းနှီးနှီး ပွင့်ပွင့်လင်းလင်း မပြောဆိုတတ်ဘူး၊ မဆက်ဆံတတ်ဘူး၊ မယုံကြည်ဘူး၊ စိတ်မချဘူး ဆိုရင် ကိုယ့်မှာ အဖေါ်မရှိတော့ဘူး။

 လူတွေကို မယုံကြည်တဲ့သူ၊ လူတွေကို သည်းမခံနိုင်တဲ့သူ၊ ခွင့်မလွှတ်နိုင်တဲ့သူဟာလည်း အဖေါ်မဲ့တတ်တယ်။သူများအကြောင်း မကောင်း ပြောတတ်တဲ့သူဟာလည်း အဖေါ်မဲ့တယ်။ 

အကြီးအကဲ ခေါင်းဆောင်နေရာမှာ နေရတဲ့သူတွေ ဆိုရင်လည်း ကိုယ်က လက်အောက်ငယ်သားတွေနဲ့ ရင်းရင်းနှီးနှီး မပြောချင်ဘူး

။ပြောရင် ရင်းနှီးမှုကို အခွင့်ကောင်းယူပြီးတော့ မရိုသေမှာ၊ မလေးစားမှာ ကြောက်တယ်။ ဒါဟာ ရာထူးကြီးတဲ့ လူတွေမှာ အများကြီး ဖြစ်တတ်ပါတယ်။ ဒီအချက်ကလည်း အဖေါ်မဲ့ အထီးကျန် ဖြစ်ဖို့ရာ အကြောင်းတခုဘဲ။တချို့လူတွေမှာ အဖေါ်မဲ့ အထီးကျန်ဖြစ်ရတာ ဘာကြောင့်လဲဆိုတော့ သူတို့ကိုယ်တိုင်က သူတပါးကို ပစ်ပယ်လေ့ ရှိတယ်။ ဂုဏ်တုဂုဏ်ပြိုင် စိတ်ကြောင့်၊ မနာလိုတဲ့စိတ်ကြောင့် အဖေါ်မဲ့သွားတယ်။ 

ကိုယ့်ကိုယ်ကို သိမ်ငယ်တဲ့ ခံစားမှု ရှိတဲ့လူကလည်း အများနဲ့ ဆက်ဆံတဲ့အခါမှာ အောက်ကျသလို ခံစားရတဲ့အတွက်ကြောင့် လူတွေကို ရှောင်ချင်လာတယ်။ 

မဆက်ဆံချင်တော့ဘူး။ အဲဒီတော့ ကိုယ့်ကိုယ်ကို အထင်သေးတဲ့လူကလည်း အဖေါ်မဲ့တဲ့ ခံစားမှုမျိုး ဖြစ်တော့မယ်။တရားကို ရေရှည် စွဲစွဲမြဲမြဲ အားထုတ်ထားတဲ့ လူဆိုရင် အဲဒါမျိုးတွေ မဖြစ်ဘူး။

 တရားအားထုတ်လို့ အသိဥာဏ် ရင့်ကျက်လာတဲ့အတွက်ကြောင့် စိတ်မှာ လေးနက်မှု၊ စင်ကြယ်မှု၊ မြင့်မြတ်မှု ရှိနေတယ်။ သူ့ကိုယ်သူ အင်မတန် ကျေနပ်နေတယ်။ 

ဒါကြောင့် သူများနဲ့ တွေ့တဲ့အခါမှာ အားငယ်စိတ်၊ သိမ်ငယ်စိတ် မဖြစ်ဘူး။ သိမ်ငယ်စိတ် ပျောက်ဖို့ရာ တရားနည်းနဲ့မှ ရတယ်။

 တခြားနည်းနဲ့လုပ်လို့ မရဘူး။အဖေါ်မဲ့အထီးကျန် ဖြစ်ဖို့ရာ အရင်းခံအကြောင်းဟာ အတ္တစွဲပါပဲ။ နောက်တခု ပြောရရင်တော့ မာနပါပဲ။ မာန သိပ်ကြီးသွားရင် အဖေါ်မဲ့သွားတယ်။ ငါက အောက်ကျနောက်ကျ ဖြစ်နေတယ်ဆိုတဲ့ ခံစားချက်ကြောင့် အဖေါ်မဲ့သလို ခံစားရသလို၊ ငါက အထက်တန်းစားပါ ဆိုတဲ့စိတ်ဝင်နေရင်လည်း အဖေါ်မဲ့ဦးမှာပါဘဲ။ ဒီနှစ်ခုစလုံး မကောင်းပါဘူး။

လူမသိအောင် ဖုံးရတာတွေ များရင်လည်း အဖေါ်မဲ့အထီးကျန်ဖြစ်တယ်။ တချို့ ရောဂါတခုခုရှိရင်လည်း အဲဒီရောဂါရှိကြောင်း လူမသိစေချင်လို့ လူတွေကို ရှောင်တယ်။ 

တချို့ကျတော့လည်း ကိုယ်လက်အင်္ဂါ တခုခု ချို့တဲ့နေတာကြောင့် လူကြားထဲ မသွားချင်ဘူး၊ တယောက်တည်းနေချင်တယ်။

 အဲဒါကြောင့်လည်း အဖေါ်မဲ့သွားတယ်။တကယ်လို့ ကိုယ့်ဘဝမှာ အဖေါ်မဲ့ အထီးကျန် ခံစားမှု ဖြစ်နေပြီဆိုရင် ကိုယ့်ကိုယ်ကို သေသေချာချာပြန်သုံးသပ်ပါ။ ငါ့မှာဒီလို ခံစားချက် ရှိတယ်ဆိုတာ သိဖို့က ပထမ အရေးကြီးတယ်။

အခုခေတ်မှာ လူတွေဟာ အလုပ် အင်မတန်များကြပါတယ်။ အလုပ် များသလောက် သောကလည်း များကြတယ်။ ကိုယ့်ပူပင်သောကနဲ့ကိုယ် စိတ်မအားကြလို့ သူများစိတ်ထဲမှာ ဘယ်လိုခံစားနေရမလဲ ဆိုတာ သေသေချာချာ အာရုံစိုက်ပြီးတော့ မစဉ်းစားနိုင်ကြတော့ဘူး။ အဲဒီလို မစဉ်းစားနိုင်ကြရင် တယောက်ကိုတယောက် နားလည်မှု နည်းသွားပြီးတော့ အားလုံးပဲ အထီးကျန် ဖြစ်တဲ့ ခံစားမှုကို ခံစားနေရမယ်။ကိုယ်မြင်တဲ့ လောကကြီးဟာ ကိုယ့်စိတ်ရဲ့ ရောင်ပြန်ဟပ်မှုပဲ။

 လောကကို မထိန်းသိမ်းတဲ့သူ တန်ဖိုးမထားတဲ့သူဟာ ဘယ်သူလဲဆိုတော့ empty , lonely ဖြစ်နေတဲ့သူတွေပဲ။လောကကြီးကို ထိန်းသိမ်းနေတဲ့သူ များလာအောင် ဘယ်လိုလုပ်ရမလဲဆိုတော့ လူများစုဟာ သူတို့ဘဝကိုသူတို့ ကျေနပ်မှုရအောင် တန်ဖိုးရှိလာအောင် ဘယ်လိုလုပ်ရမလဲ ဆိုတာက စ စဉ်းစားရတယ်။

 ကိုယ့်ကိုယ်ကို ကိုယ်မှ မထိန်းသိမ်းဘူး၊ တန်ဖိုးမထားတော့ဘူးဆိုရင် ကိုယ်နေတဲ့ လောကကြီးကို ထိန်းသိမ်းမှာ၊တန်ဖိုးထားမှာ မဟုတ်တော့ဘူး။ ထိန်းသိမ်းဖို့ စိတ်မကူးနိုင်ဘူး။အေးချမ်းနေတဲ့သူဟာ ဘယ်သူ့ကိုမှ ဒုက္ခမပေးဘူး။ 

ကိုယ့်ဘဝကိုကိုယ် ကျေနပ်တဲ့သူဟာ အများကို ဒုက္ခ မပေးဘူး။လူတွေက လောကကြီးထဲမှာ ကြာလေများလေ ဖြစ်လာနေတာ။ လူဦးရေ များလာသလောက် လူတွေဟာ အဖေါ်မဲ့အထီးကျန် ပိုဖြစ်လာတယ်။

 အပျော်အပါးတွေလည်း အခုခေတ်မှာ ပိုများလာတယ်။ အပျော်အပါး များသလောက် အဖေါ်လည်း ပိုပြီးမဲ့လာတယ်။လူမရှိလို့၊ ကိုယ့်အနားမှာ ဘယ်သူမှမရှိလို့ အထီးကျန်ဖြစ်တာ မဟုတ်ဘူး။ 

ကိုယ့်အနားမှာ လူတွေအများကြီး ရှိနေပေမဲ့လည်း ကိုယ်ဟာ တကိုယ်တည်း အထီးကျန် အဖေါ်မဲ့ ဖြစ်နေတယ်။onely ဆိုတာ အဖေါ်မဲ့လို့ အားငယ်သွားတာကို ပြောတာ။

 alone ဆိုတာ သူ့ဟာသူ အဖေါ်မရှာပဲနဲ့ တကိုယ်တည်း နေတာကိုပြောတာ။ အားငယ်တာ မဟုတ်ဘူးနော်။I am alone, but I’m not lonely. အဲဒီလို နေတတ်ဖို့ လိုတယ်နော်။ ငါ တကိုယ်တည်း နေတယ်။ 

ဒါပေမဲ့ ငါ့မှာ အဖေါ်လိုချင်တဲ့စိတ် မရှိဘူး။ အဖေါ်မရှာဘူး။ အဖေါ်မရှိလို့ အားငယ်တဲ့စိတ်လည်း မရှိဘူး။ အဲဒီလို နေနိုင်ရင် မြို့ထဲမှာဘဲနေနေ၊ တောထဲမှာဘဲနေနေ ကောင်းပါတယ်။ 

အဲသလို ရင့်ရင့်ကျက်ကျက်၊ ခိုင်ခိုင်မာမာ တကိုယ်တည်း နေနိုင်အောင် ကြိုးစားကြပါ။

ဆရာတော်ဦးဇောတိက( မဟာမြိုင်တောရ ) ၏ တွေးမိတိုင်းပျော်တယ် စာအုပ်မှ