လူအများနဲ့ ပြောဆိုဆက်ဆံရာမှာ သင့်ရဲ့ကိုယ်နေဟန်ဟာ သင်ဘယ်လိုလူမျိုးလဲဆိုတာကို ဖော်ပြနိုင်ပါတယ်။
ဒါ့ကြောင့် သင်ဟာ တက်ကြွထက်မြက်သူတစ်ဦးအဖြစ် လူအများက ယုံကြည်စေနိုင်မယ့် ကိုယ်နေဟန် (၅)ခုကို ဖော်ပြပေးလိုက်ပါတယ်။
(၁) မျက်လုံးအကြည့်ဖြင့် စိတ်ဝင်စားမှုကို ပြသပါ။
သင့်မျက်လုံးတွေက သင့်ရဲ့အာရုံစူးစိုက်မှုကို ဖော်ပြနေပါတယ်။ အကယ်၍ တစ်ယောက်ယောက်နဲ့ စကားပြောနေတုန်းမှာ တခြားနေရာကိုကြည့်နေတာမျိုးက တစ်ဖက်လူပြောသမျှစိတ်ဝင်စားမှုမရှိသည့် အမူအယာဖြစ်တဲ့အတွက် အထင်သေးခံရပါလိမ့်မယ်။
ဒါ့ကြောင့် စကားပြောရာမှာ မျက်လုံးအကြည့်ချင်း ဆုံအောင် ကြိုးစားပြီး ထောက်ခံတဲ့အနေနဲ့ ခေါင်းညိတ်ပြတာ၊ နားထောင်နေစဉ် မျက်ခုံးပင့်တာတွေက သင့်ရဲ့ စိတ်ဝင်စားမှုကို ဖော်ပြပေးတဲ့ အမူအယာတွေဖြစ်ပါတယ်။
(၂) လက်တွေကိုလည်း ဂရုစိုက်ပါ။
လက်တွေကို နောက်ပစ်ထားတာ၊ လက်ပိုက်ထားတာတွေက တဖက်လူကို ပမာမခန့်လုပ်ပြတာပဲဖြစ်ပါတယ်။
သင့်ရဲ့လက်ချောင်းတွေကို ရှေ့မှာယှက်ထားပြီး လက်တွေကို သက်သက်သာသာအနေအထား ထားရှိတာဟာ အကောင်းဆုံးပါပဲ။
(၃) စမတ်ကျကျ မတ်တပ်ရပ်ပါ။
ပုခုံးတွေကို ရှေ့ကိုကိုင်းပြီး မသိမသာ ခါးကုန်းနေတာဟာ ယုံကြည်မှုမရှိတဲ့အမူအယာဖြစ်ပါတယ်။
ဒါ့ကြောင့် ခါးမကုန်းစေပဲ ဖြောင့်မတ်စွာရပ်နေဖို့နဲ့ တဖက်လူတည့်တည့်ကို မျက်နှာမူပြီး ရပ်နေဖို့ လိုအပ်ပါတယ်။
(၄) တဖက်လူပုံစံကို အနီးစပ်ဆုံး အတုယူပါ။
တဖက်လူရဲ့နေပုံထိုင်ပုံကို တုပနေထိုင်တာဟာ နှစ်ဦးကြားက တင်းမာမှုတွေကို လျော့နည်းစေပြီး ဆက်သွယ်ရ လွယ်ကူစေပါတယ်။
တဖက်လူက ထိုင်နေရင် တူညီတဲ့အမြင့်မှာ လိုက်ထိုင်လိုက်ပါ။ မတ်တပ်ရပ်နေရင်လည်း လိုက်ရပ်နေလိုက်ပါ။
ဒီလို ကွဲပြားမှုမရှိတဲ့ ကိုယ်နေဟန်ကြောင့် အပြန်အလှန်ခင်မင်မှုကို အလွယ်တကူ တည်ဆောက်နိုင်မှာပါ။
(၅) ပြုံးပြဖို့ မမေ့ပါနဲ့
တဖက်လူကို ပြုံးပြတာဟာ သင့်အနေနဲ့ ဖော်ရွေမှုရှိပြီး ကူညီတတ်သူဖြစ်ကြောင်း အချက်ပြလိုက်တာပဲ ဖြစ်ပါတယ်။
No comments:
Post a Comment