သင် အမှန်တကယ် ဆန္ဒရှိတဲ့ အတိုင်း အောင်မြင်ဖို့.....။

သင် ဘာပဲကြိုးစားကြိုးစား ဘ၀ဟာ ရှေ့ကို ခက်ခက်ခဲခဲ ခြေတစ်လှမ်းလှမ်းပြီး နောက်ကို နှစ်လှမ်းပြန်ဆုတ်နေတဲ့ ဖြစ်စဉ်ကြီးတစ်ခုလိုမျိုး နေ့ရက်တွေကို ကြုံဖူးသလား။

ဒီကနေ့ဟာ သင့်ဘ၀ရဲ့ ခေါင်းဆောင်နေရာကို ယူပြီး အောင်မြင်မှုအတွက် နည်းဗျူဟာတွေကို ချမှတ်ဖို့ အကောင်းဆုံး နေ့တစ်နေ့ ဖြစ်ပါတယ်။ သင် ခက်ခက်ခဲခဲလုပ်ဖို့ လိုအပ်လိမ့်မယ်၊ ပြီးတော့ သင့်ရဲ့ အောင်မြင်မှု အစီအစဉ်ထဲမှာ သင့်ကိုယ်သင် နှစ်မြှုပ်ထားဖို့လည်း လိုအပ်လိမ့်မယ်။ 

ဒါပေမယ့် သင် စလုပ်လိုက်ပြီဆိုတာနဲ့ အောင်မြင်မှု သေးသေးလေးတွေဟာ သင့်ကို ပိုပြီး အရှိန်ရလာစေတာ၊ ခြေလှမ်းတစ်လှမ်းချင်းဟာ အောင်မြင်မှုတွေကို ပိုပြီး ဆွဲယူနေတာကို သင် တွေ့ရလိမ့်မယ်။

၁။ သင့်ရဲ့ အောင်မြင်မှုအတွက် တစ်ယောက်တည်းသော တာဝန်ရှိတဲ့သူကို ကြည့်လိုက်ပါ၊ အဲဒါ သင် ပါပဲ။ အောင်မြင်ဖို့အတွက်ဆိုရင် သင်ဟာ သင့်ရဲ့ ဆောင်ရွက်မှုတွေအတွက် အပြည့်အ၀ တာဝန်ယူရပါလိမ့်မယ်။ 

သင့်ရဲ့ အောင်မြင်မှု၊ ဒါမှမဟုတ် သင့်ရဲ့ ချို့ယွင်းမှုတွေကို တခြားသူတွေထံ ပုံချလို့ မရပါဘူး။

၂။ အောင်မြင်သူတစ်ယောက်ရဲ့ အလေ့အကျင့်တွေကို ပျိုးထောင်ပါ။ ပိုပြီးတော့ ပြုံးပါ။ အခြေအနေတိုင်းမှာ ကောင်းတဲ့ဘက်ကို ကြည့်ပါ။ တစ်ခုခုဟာ ဘာကြောင့်ခက်ခဲသလဲ၊ သင် ဘာကြောင့်မလုပ်နိုင်ဘူးလဲ ဆိုတာတွေကို စာရင်းမပြုစုပါနဲ့။ 

သင် ဘာကြောင့်လုပ်နိုင်တယ် ဆိုတာကို ရှာဖွေပါ။ တစ်ခုတည်းပဲ ရှိတယ်ဆိုရင်တောင် အဲဒီအရာနဲ့ စလုပ်ပါ။ သင်ဟာ အောင်မြင်သူတစ်ယောက် ဖြစ်လာဖို့အတွက်ဆိုရင် အောင်မြင်သူတစ်ယောက်ရဲ့ အလေ့အကျင့်တွေကို သင့်မှာ ရှိလာအောင် လုပ်ရပါမယ်။

၃။ ဒီနေ့ ဆုံးဖြတ်ချက်ချပါ။ သင် အောင်မြင်ရမယ်လို့ ဒီနေ့ ဆုံးဖြတ်ချက်ချပါ။ အတိတ်က သင် လုပ်ဆောင်နိုင်ခဲ့မှုတွေအတွက် သင့်ကိုယ်သင် ချီးကျူးပါ။ 

သင့်ရဲ့ စွမ်းရည်တွေကို သိပါ၊ အဲဒါတွေကို တိုးတက်အောင် လုပ်ပါ။ သင့်မှာ ရည်ရွက်ချက်တစ်ခု ရှိတယ်၊ အခြား အနုတ်လက္ခဏာဆောင်တဲ့ အရာတွေကို ဘေးဖယ်လိုက်ပါ။ အဲဒီရည်မှန်းချက်ကို သတ်မှတ်ပါ၊ သင့်ကိုယ်သင် အပြည့်အ၀ ကျေနပ်မှုရရှိစေဖို့ ဒီနေ့ပဲ စတင်ပါ။

၎။ မနက်ခင်း သင် နိုးထတဲ့အခါတိုင်း၊ အခြားသူတွေနဲ့ စကားပြောတဲ့အခါတိုင်း ကောင်းတဲ့အရာတွေနဲ့ စပါ။ အကောင်းမြင်တတ်သူများနှင့် ပေါင်းသင်းပါ။ 

သူတို့ကိုယ်တိုင်လည်း အောင်မြင်ဖို့ ဆုံးဖြတ်ထားသူတွေနဲ့ ဆက်ဆံပါ။ အဆိုးမြင်သမားတွေကို လုံးဝ ရှောင်ကျဉ်ပါ။ သူတို့က သင့်ကို စိတ်ဓာတ်ကျအောင် လုပ်ရုံတင်မက၊ သူတို့ရဲ့ အဆိုးမြင်အတွေးတွေ၊ ငြီးတွားမှုတွေ၊ ဆင်ခြေပေးမှုတွေက သင့်အတွက် အဆိပ်အတောက် ဖြစ်ပါတယ်။

၅။ သင် ဘယ်လို အောင်မြင်စွာ နေထိုင်ဖို့ ဆန္ဒရှိသလဲဆိုတာ မြင်ယောင်ပါ၊ ချရေးပါ။ သင့်အတွက် အဓိပ္ပါယ်ရှိတဲ့ အရာတွေ၊ သင့်ကို ပျော်ရွှင်မှုပေးတဲ့၊ သင့်ကိုယ်သင် စိတ်ကျေနပ်မှု ဖြစ်စေတဲ့ အရာတွေကို စဉ်းစားကြည့်ပါ။

 ပြီးတော့ သင်ဘယ်လို နေထိုင်ချင်သလဲဆိုတာကို တတ်နိုင်သမျှ တိတိကျကျဖြစ်အောင် ချရေးပါ။ အာရုံစူးစိုက်ပါ၊ အနုတ်လက္ခဏာအတွေးတွေကို နားမထောင်ပါနဲ့။ အချက်အလက်တိုင်းကို ချရေးပါ။ သင် ဘယ်မှာ နေထိုင်ချင်သလဲ၊ သင့်ရဲ့ အိမ်က ဘယ်လိုပုံစံမျိုးလဲ၊ သင်နဲ့ သင့်မိတ်ဆွေတွေက ဘာကို စိတ်ဝင်စားကြသလဲ၊ သင့်ရဲ့ အချိန်နဲ့ ငွေကြေးကို ဘယ်လို လူမှုလုပ်ငန်းတွေမှာ သုံးချင်သလဲ။ 

အဲဒါတွေကို စာအုပ်တစ်အုပ်ထဲမှာ ရေးပါ။ ရက်သတ္တတစ်ပတ်မှာ ကြိမ်ဖန်များစွာ ဖတ်ပါ။ နေ့စဉ်နေ့တိုင်း သင်ဆန္ဒရှိတဲ့ အဲဒီဘ၀ကို နေထိုင်နေပုံကို မြင်ယောင်ကြည့်ပါ။ အဲဒီ အောင်မြင်တဲ့ဘ၀နဲ့ ပိုပြီး နီးလာစေမယ့် အရာတွေကိုသာ လုပ်ဆောင်ပါ။

၆။ အောင်မြင်မှုက သင့်အတွက် ဘယ်လိုအဓိပ္ပါယ် သက်ရောက်မှု ရှိသလဲဆိုတာကို သတ်မှတ်ပါ။ သင် အကောင်းဆုံးလုပ်နိုင်တဲ့ အရာတွေအပေါ်မှာ အာရုံစိုက်ပါ။ 

သင့်ရဲ့ ဘ၀ကို ဘယ်လိုနေထိုင်ချင်တယ်ဆိုတာကို သင့်ကိုယ်သင် ပြောပါ။ အသံထွက်ပြီး ပြောပါ။ မဟုတ်ရင် သင် အဲဒါကို အောင်မြင်သွားတဲ့အခါ သင် သိလိုက်မှာ မဟုတ်ပါဘူး။

၇။ သင့်အမြင်မှာ အောင်မြင်တယ်လို့ သင် ထင်တဲ့သူတွေအကြောင်း၊ ပြီးတော့ ပိုပြီးအောင်မြင်စေမယ့် နည်းလမ်းတွေအကြောင်း စာအုပ်တွေမှာ၊ အင်တာနက်မှာ ဖတ်ရှုပါ။ သင့်ရည်မှန်းချက်ကို နေ့စဉ်နေ့တိုင်း စနစ်တကျ ချဉ်းကပ်ပါ။

 နေ့စဉ်နေ့တိုင်း သင့်ရဲ့ အောင်မြင်မှုသို့ ခြေလှမ်းတစ်လှမ်း လှမ်းပါ။
သင့်ရဲ့ စိတ်ကို လက်ရှိအချိန်မှာ ထားပါ။ အနုလက္ခာ လမ်းကြောင်းထဲမှာ လျှောက်သွားနေဖို့ ခွင့်မပြုပါနဲ့။ သင့်အာရုံမှာ သင့်ရဲ့ အောင်မြင်မှုကိုသာ မြင်ယောင်ပါ။ 

ဆုံးဖြတ်ချက် ခိုင်မာတဲ့ စိတ်ထားနဲ့ သင်ဟာ သင့်ရဲ့လမ်းတစ်လျှောက်မှာ ကျေနပ်ပျော်ရွှင်ပါလိမ့်မယ်။
Ref: 7 Things You Can Do To Reach The Success You Truly Desire by author BZ Riger-Hull
Free E-mail Newsletters!
by soe myat noe
 Today Bago New Version အား Download ပြုလုပ်ခြင်းဖြင့်